لاہور (نیوز رپورٹ )پنجاب میں شدید دھند کے باعث موٹر وے ایم 2 اور ایم 3 کو مختلف مقامات پر جبکہ ایم 11 کو لاہور سے سیالکوٹ تک بند کردیا گیا ہے۔ترجمان موٹر وے پولیس کے مطابق موٹر وے ایم 2 کو لاہور سے پنڈی بھٹیاں تک اور ایم 3 کو لاہور سے سمندری تک بند کردیا گیا ہے۔ترجمان موٹر وے کا
کہنا ہے کہ ڈرائیور حضرات گاڑیوں پر فوگ لائٹس استعمال کریں، رفتار کم اور اگلی گاڑی سے فاصلہ زیادہ رکھیں، کسی مشکل کی صورت میں ہیلپ لائن 130 پر رابطہ کریںمحکمہ موسمیات کے مطابق پنجاب کے میدانی علاقوں میں آج صبح کے وقت سموگ اور دھند میں اضافہ کا امکان ہے۔رپورٹس کے مطابق دنیا کے آلودہ ترین شہروں میں لاہور کا آج بھی پہلا نمبر ہے۔
