اسلام آباد ( بدلو نیوز ) اسلام آباد ہائی کورٹ نے وزیراعظم عمران خان کو بطور رکن اسمبلی نااہل قرار دینے کی درخواست ناقابل سماعت قرار دیتے ہوئے خارج کردی۔ تفصیلات کے مطابق اسلام آباد ہائی کورٹ میں وزیر اعظم عمران خان کو بطور رکن اسمبلی نااہل قرار دینے کی درخواست پر سماعت ہوئی ، شہری فدا اللہ کی جانب سے عمران خان کو نااہل قرار دینے کی درخواست دائر کی گئی۔
درخواست گزار نے کہا عمران خان نے سینیٹ الیکشن میں بیان دیا 16ایم این ایز بکے ہیں، شیخ رشید نے بھی کی تصدیق کی کہ انکے خلاف کارروائی نہیں کر سکتے۔ اسلام آباد ہائی کورٹ نے وزیر اعظم عمران خان کی اہلیت کی درخواست کو ناقابل سماعت قرار دیتے ہوئے خارج کردی، چیف جسٹس نے درخواست گزار کو ہدایت کی کہ اپنے حلقے کے ایم این اے سے کہیں کہ وہ اس متعلق پٹیشن دائر کریں۔
60
