اسلام آباد ( بدلو نیوز ) ٹماٹر، لہسن، مٹن، دالیں ، گھی اور خوردنی تیل سمیت 17 اشیائے ضروریہ کی قیمتوں میں اضافہ ہو گیا ہے جب کہ کم آمدنی والے افراد کے لیے مہنگائی 20.24 فیصد ہو گئی ہے۔ ہ ماہر معاشیات فرخ سلیم نے اپنے ٹوئیٹ میں کہا کہ مہنگائی سے پاکستان کے عوام سب سے زیادہ متاثر ہوئے ہیں انہوں اس ضمن میں دنیا کے اعداد و شمار بھی شیئر کیے ہیں .
Rate of Inflation
1. Global Average – 4%
2. Afghanistan – 5%
3. Bangladesh – 6%
4. India – 5%
5. Maldives – 2%
6. Sri Lanka – 5%
7. Pakistan – 13%
اعداد و شمار کے تحت جن اشیائے ضروریہ میں اضافہ ہوا ہے ان میں ٹماٹر اوسطاً 18 روپے 53 پیسے اور لہسن 13 روپے 55 پیسے فی کلو مہنگے ہوئے ہیں۔ وفاقی ادارہ شماریا کے مطابق مٹن کی قیمت میں 2 روپے 45 پیسے فی کلو، دال چنا 1.92 روپے اور دال ماش کی قیمت میں 2.75 روپے فی کلو اضافہ ہوا ہے جب کہ دال مسور 1.54 روپے اور دال مونگ کی قیمت میں 0.68 پیسے کا اضافہ ریکارڈ کیا گیا ہے۔ چکن، سبزیاں، دالیں اور چینی سمیت 25 اشیائے ضروریہ مہنگی ہو گئیں. ادارہ شماریات کے مطابق گھی کی اوسطاً فی کلو قیمت ایک روپے 75 بڑھ گئی ہے جس کے بعد گھی کی فی کلو اوسطاً قیمت 400 روپے 75 پیسے ہو گئی ہے جب کہ 5 لیٹر خوردنی تیل کی اوسط قیمت 2 ہزار 85 روپے 42 پیسے ہو گئی ہے۔ وفاقی ادارہ شماریات کے مطابق گزشتہ ایک ہفتے میں 8 اشیا سستی ہوئی ہیں جب کہ 26 کی قیمتوں میں استحکام پایا گیا ہے۔ اعداد و شمار کے تحت زندہ مرغی 3 روپے 20 پیسے فی کلو اور انڈے 3 روپے 83 پیسے فی درجن سستے ہوئے ہیں جب کہ 200 گرام سرخ مرچ کی قیمت میں 25 روپے 85 پیسے کمی ہوئی ہے۔ ہم نیوز کے مطابق وفاقی ادارہ شماریا کے مطابق اسی طرح چینی کی فی کلو قیمت ایک روپے 5 پیسے کم ہوگئی ہے۔
67
