مولانا فضل الرحمان کے گڑھ میں پی ٹی آئی نے میدان مارلیا

ڈی آئی خان (بدلو نیوز ) تحریک انصاف کے عمر امین گنڈاپور نے تحصیل میئر ڈیرہ اسماعیل خان کی نشست جیت لی، عمرامین گنڈا پور نے 63 ہزار 753 ووٹ حاصل کیے۔تفصیلات کے مطابق مولانافضل الرحمان کے گڑھ میں پی ٹی آئی نے میدان مار لیا، ضلع ڈیرہ اسماعیل خان میں سٹی میئر کی نشست پر تمام 296 پولنگ اسٹیشنز کا غیرحتمی غیرسرکاری نتیجہ آگیا۔غیرحتمی غیرسرکاری نتیجے کے مطابق تحریک انصاف کےعمرامین گنڈاپور63 ہزار 753 ووٹ لیکرکامیاب قرار پائے۔

جے یو آئی کے کفیل نظامی 38 ہزار 891 ووٹ لے کر دوسرے نمبرپر جبکہ پیپلزپارٹی کے فیصل کریم کنڈی32ہزار788 ووٹ لیکر تیسرے نمبر پر رہے ۔حلقے میں کل ایک لاکھ 49ہزار246 ووٹ ڈالے گئے، جن میں سے تین ہزار سات سو چون مستردہوئے، انتخابات میں ووٹرز ٹرن آؤٹ 45 اعشاریہ 57 فیصد رہا۔غیرحتمی نتائج کے مطابق بنوں کی تحصیل ڈومیل، کرک کی تحصیل بانڈہ داؤدشاہ اور تخت نصرتی کے چیئرمین کی نشستیں بھی پی ٹی آئی کے نام رہی جبکہ سٹی میئر پشاور،باڑہ اورخارکی تحصیل چیئرمینوں نشستوں پر جےیوآئی کامیاب ہوئی۔کوہاٹ کی تحصیل درہ کی چیئرمین شپ کی نشست پر تمام چون پولنگ اسٹیشنزکا غیرسرکاری غیرحتمی نتیجہ آگیا، آزاد امیدوار شاہد بلال ایک ہزار چھے سو پچاسی ووٹ لے کرکامیاب ہوگئے جبکہ ایک اورآزادامیدوار ابرارمحمد نو سو اٹھائیس ووٹ لے کر دوسرے نمبر پر رہے۔