وزیر اعظم لاہور میں اہم اجلاسوں کی صدارت کریں گے

لاہور(بدلو نیوز ) تفصیلات کے مطابق وزیر اعظم عمران خان آج لاہور کا ایک روزہ دورہ کریں گے، وزیر اعظم سے گورنر پنجاب چوہدری محمد سرور ملاقات کریں گے۔ ملاقات میں سیاسی و حکومتی امور سمیت دیگر معاملات پر مشاورت ہوگی، گورنر پنجاب یورپی یونین نمائندوں سے ملاقات پر بریف کریں گے۔وزیر اعظم عمران خان مختلف اجلاسوں کی صدارت کریں گے جبکہ ان سے وزیر اعلیٰ پنجاب بھی ون آن ون ملاقات کریں گے۔ وزیر اعلیٰ صوبے کے انتظامی اور سیاسی امور پر بریف کریں گے۔

وزیر اعظم کی زیر صدارت پاکستان تحریک انصاف پنجاب کے پارلیمانی بورڈ کا اجلاس بھی ہوگا، وزیر اعظم کو بلدیاتی انتخابات کی تیاریوں پر بریفنگ دی جائے گی، اجلاس میں ٹکٹوں کی تقسیم سے متعلق امور پر مشاورت ہو گی۔ ملاقات میں وزیر اعظم کو یونیورسٹیز میں ریفارمز کے لیے اقدامات سے آگاہ کیا جائے گا جبکہ پاک اتھارٹی کے منصوبوں کی تفصیلات سے بھی آگاہ کریں گے۔ دورے کے دوران ملاقاتوں میں ملکی سیاسی صورتحال اور پارٹی امور کا بھی جائزہ لیا جائے گا۔