اسلام آباد(بدلو نیوز ) وزیر اعظم عمران خان اور گورنر سندھ عمران اسماعیل کے درمیان آج اہم ملاقات ہوگی، ملاقات دوپہر 2 بجے اسلام آباد میں ہوگی۔ ذرائع کا کہنا ہے کہ ملاقات میں ملک بھر کی موجودہ صورتحال پر گفتگو متوقع ہے۔ذرائع کے مطابق ملاقات میں وزیر اعظم کی ایم کیو ایم پاکستان مرکز پر آمد کے پروگرام کو حتمی شکل دیے جانے کا امکان ہے۔ ذرائع کے مطابق وزیر اعظم سے ایم کیو ایم قیادت کی ملاقات میں بہادر آباد جانے کا معاملہ طے پایا، ملاقات میں وفاقی وزرا فروغ نسیم اور امین الحق شامل تھے۔ وفاقی وزرا نے وزیر اعظم عمران خان کو دورہ بہادر آباد کی دعوت دی۔
یاد رہے کہ وزیر اعظم عمران خان کراچی کا دورہ کریں گے اور اس دوران وہ ایم کیو ایم پاکستان کے مرکز بہادر آباد جائیں گے۔ ملاقات میں وزیر اعظم کو کراچی کے مسائل اور دیرینہ مطالبات پیش کیے جائیں گے، کراچی کے ترقیاتی منصوبوں اور ایم کیو ایم پاکستان کے تحفظات پر بھی بات ہوگی۔
42
