برٹن انٹرنیشنل سکول سسٹم المقیت کیمپس جوہر ٹاؤن لاہور کے زیر اہتمام بزم قرآن کا انعقاد کیا گیا جس میں طلبہ و طالبات کے درمیان حسن قرات و نعت کے مقابلے کا اہتمام کیا گیا اس پروگرام کے مہمانان خصوصی جناب قاری عمیر بن عزیر اور سینیئر اینکر پرسن و ثنا خوان محمد رانا شاہنواز تھے۔ استقبالیہ میں المقیت کیمپس کے سی ای او آصف ندیم نے مہمانان گرامی، والدین اور سکول کے اساتذہ کا شکریہ ادا کیا جن کی کاوشوں کے ذریعے بہت ہی مقدس پروگرام کا کامیاب انعقاد کیا گیا المقیت کیمپس کے سی ای او نے قرآن کی فضیلت کو بیان کرتے ہوئے کہا کہ ہم اپنے چیئرمین جاوید اقبال کے ویژن کو اگے بڑھاتے ہوئے ماڈرن ایجوکیشن کے ساتھ ساتھ دینی تعلیم کو بھی فروغ دے رہے ہیں اس موقع پر انہوں نے المقیت کیمپس جوہر ٹاؤن لاہور میں حفظ القرآن کی کلاسز کے باقاعدہ آغاز کا بھی اعلان کیا۔ سکول کے طلبہ و طالبات نے قرات و نعت کے زبردست مقابلے میں اپنی شاندار صلاحیتوں کا مظاہرہ کیا جس پر حاضرین محفل نے انہیں دل کھول کر داد دی۔ پروگرام کے اختتام پر اساتذہ اور جیتنے والے بچوں کو شیلڈ، سرٹیفکیٹ اور کیش انعامات سے بھی نوازا گیا۔
31
