لاہور ( بدلو نیوز )تحریک لبیک پاکستان (ٹی ایل پی) نے وزیر آباد میں 11 روز سے جاری دھرنا ختم کرنے کا اعلان کردیا۔ٹی ایل پی کے پیر سید سرور حسین شاہ نے اعلان کرتے ہوئے کہاکہ وزیر آباد سے اب ہم دھرنا ختم کرکے واپس مسجدرحمتہ للعالمین جائیں گے۔اس سے قبل وفاقی وزارت داخلہ نے تحریک لبیک
سے پابندی اٹھانے کا نوٹیفکیشن جاری کیا اور حکومت پنجاب کی سمری پر وفاقی کابینہ نے ٹی ایل پی پر سے پابندی ہٹانے کی منظوری دی تھی۔ ٹی ایل پی کے مظاہرین وزیر آباد میں اللّٰہ والا چوک کے قریب پارک میں خیمے لگا کر 11ویں روز بھی موجود تھے، جبکہ چناب کے پل پر ایک ٹریک پر ٹریفک بحال، دوسرا ٹریک بند تھا۔وزیر آباد میں دھرنے کے سبب انٹرنیٹ سروس بند ہونے سے بینکوں کا کام مکمل طور پر ٹھپ ہو گیا تھا جبکہ معمولات زندگی بھی شدید متاثر تھے۔
