وزارت داخلہ کی قائم علی شاہ اور شہباز شریف کے نام ای سی ایل میں ڈالنے کی سفارش

اسلام آباد( بدلو ڈاٹ کام ڈاٹ پی کے) وزارت داخلہ نے سابق پرنسپل سیکریٹری فواد حسن فواد سمیت سابق وزیراعلیٰ سندھ قائم علی شاہ اور اپوزیشن لیڈر شہباز شریف کےنام ای سی ایل میں ڈالنے کی سفارش کردی۔ تفصیلات کے مطابق وزارت داخلہ نے اہم سیاسی اورسرکاری افسران کے نام ای سی ایل میں ڈالنے کی سفارش کردی ، جس میں سابق پرنسپل سیکرٹری فوادحسن فوادسمیت سندھ حکومت کی اہم شخصیات کے نام شامل ہیں۔

وزارت داخلہ کا کہنا ہے کہ نام ای سی ایل میں ڈالنے کی سمری نیب کی سفارش پر بھیجی گئی ہے، ایل ڈی اے کے اعلی ٰافسران کےنام بھی ای سی ایل میں ڈالنےکی سفارش کی ہے۔ ذرائع کا کہنا ہے کہ قائم علی شاہ اور شہباز شریف کےنام ای سی ایل میں ڈالنےکی سفارش نیب نے کی ہے، قائم علی شاہ کےخلاف سندھ روشن پروگرام میں کرپشن کاکیس نیب میں ہے جبکہ شہبازشریف پرآمدن سےزائداثاثےاورمنی لانڈرنگ کےالزامات ہیں۔