اسلام آباد ( بدلو نیوز ) ایم کیو ایم نے11نکاتی تجاویز قومی اسمبلی میں جمع کرکے اس کی کاپی وزیر خزانہ کو بھجوا دی، متحدہ رہنماؤں کا کہنا ہے کہ اگر ان11تجاویز کو شامل نہ کیا گیا تو ایم کیوایم کا فیصلہ الگ ہوگا۔ اس حوالے سے ایم کیو ایم ذرائع کا کہنا ہے کہ ڈاکٹر خالد مقبول صدیقی نے اراکین اسمبلی اور سینیٹرز کو ہدایات دے دی ہیں۔ ایم کیوایم کے کنوینئر نے ہدایات دی ہے کہ حکومت سے عوام کو متاثر کرنے والے ٹیکس واپس نہ لیے تو بل کی حمایت نہ کی جائے۔ ایم کیوایم کی تجاویز میں کہا گیا ہے کہ کاٹیج انڈسٹری پر ٹیکس چھوٹ واپس 10فیصد کیا جائے، ملک میں توانائی کا بحران اور بجلی مہنگی ہوتی جارہی ہے۔
ایم کیوایم کا کہنا ہے کہ توانائی کے متبادل ذریعہ سولر پینل پر ٹیکس لگانا سراسر زیادتی ہے، اسپتالوں کی مشینری، آلات، جان بچانے والی اشیاء پر17 فیصد سیلز ٹیکس واپس لیا جائے۔ واضح رہے کہ مالیاتی بل پر گزشتہ روز بہادر آباد مرکز پر ملک کے معروف ماہر معاشیات سے تین گھنٹے طویل مشاورت کے بعد ایم کیو ایم نے مالیاتی بل کے معاملے پر وفاقی حکومت سے بات کرنے کا فیصلہ کیا تھا۔ ذرائع کے مطابق کے مطابق بل میں لگنے والے ٹیکسسز، عام آدمی پر اس کے اثرات سمیت دیگر معاملات پر معاشی ٹیم نے ایم کیو ایم کو بریفنگ دی مشاورتی اجلاس تین گھنٹے تک جاری رہا۔
67
