لاہور(بدلو نیوز ) بھارت اوچھے ہتھکنڈوں اور سازشوں سے باز نہ آیا، پاکستان میں عالمی کرکٹ کی بحالی روکنے کے لیے بھارت کی ایک اور سازش بے نقاب ہو گئی۔ رپورٹ کے مطابق 26 فروری کو آسٹریلوی ٹیم کے رکن کے خاندان کو انسٹا گرام پر دھمکی آمیز پیغام ملا، جس میں ان کو پاکستان جانے پر نتائج بھگتنے کی دھمکیاں دی گئیں۔ 24 سال بعد پاکستان کا دورہ کرنے والی آسٹریلوی کرکٹ ٹیم کو دھمکی آمیز پیغام بھیجا گیا ہے، جس میں آسٹریلوی کھلاڑی کے خاندان کو پاکستان دورے پر نتائج بھگتنے کی دھمکیاں دی گئی ہیں۔
دھمکی آمیز پیغام کا مقصد یہ ہے کہ نیوزی لینڈ کی طرح آسٹریلوی ٹیم بھی پاکستان دورے سے واپس چلی جائے۔ بظاہر پہلے کی طرح اس بار بھی بھارت کی ایما پر یہ سازش کی گئی ہے، معلوم ہوا ہے کہ دھمکی آمیز پیغام انسٹا گرام پر فیک اکاؤنٹ کے ذریعے بھیجا گیا۔ مرائدل تیواڑی کے جعلی اکاؤنٹ میں ملوث ہونے کے ناقابل تردید ثبوت سامنے آئے ہیں، مرائدل تیواڑی بھارتی گجرات میں آئی ایم سی لمیٹڈ میں بطور افسر کام کرتا ہے۔ بھارتیوں کی جانب سے عالمی کرکٹ میں رکاوٹوں کا یہ طریقہ پہلے بھی استعمال کیا جا چکا ہے، اس سے پہلے ویسٹ انڈیز اور نیوزی لینڈ کو بھی دھمکی آمیز پیغامات بھیجے گئے تھے۔
77
