لاہور ( بلو نیوز ) شیخ زید اسپتال سےسترہ برس کی لڑکی کو اغوا کر لیا گیا، پولیس نے مقدمہ درج کرکے مغویہ کی تلاش شروع کر دی ہے۔ تفصیلات کے مطابق پنجاب کے دارلحکومت لاہور میں اغوا کی وارداتوں میں اضافہ ہوتا جارہا ہے، شہر سے سترہ سالہ لڑکی کو اغوا کرلیا گیا۔ لڑکی کو شیخ زید اسپتال سے اغوا کیا گیا ، جس کے بعد پولیس نے مغویہ کے والد کی مدعیت میں اغوا کی دفعات کے تحت مقدمہ درج کر لیا۔
والد کا کہنا ہے کہ بیٹی ڈاکٹر کو چیک اپ کرانے کمرے میں گئی اور میں باہر بیٹھا رہا، جب لڑکی واپس نہ آئی تو تلاش کیا لیکن کوئی سراغ نہ لگ سکا۔ مقدمہ درج ہونے کے بعد پولیس نے مغویہ کی تلاش شروع کر دی ہے۔ یاد رہے رواں ماہ کے شروع میں پنجاب کے ضلع بہاولپور کے شہر خیرپور ٹامیوالی سے اغوا کی جانے والی لڑکیاں ملیر کورٹ کے باہر سے ملی تھیں ، اطلاع ملنے پر ون فائیو پولیس نے دونوں لڑکیوں کو حفاظتی تحویل میں لے لیا تھا۔
57
