اسلام آباد (بدلونیوز ) ایون فیلڈ ریفرنس میں مریم نواز اور کیپٹن (ر) صفدر کی اپیلوں پر سماعت آج پھر ہوگی، اسلام آباد ہائی کورٹ میں قائد ن لیگ کی بریت کیخلاف نیب اپیل بھی سماعت کیلئے مقرر کی گئی ہے۔ تفصیلات کے مطابق عدالتی حکم پر رجسٹرار آفس نے مریم نواز، کیپٹن صفدر کی اپیلیں سماعت کیلئے مقرر کی ہیں، اسلام آباد ہائی کورٹ کے جسٹس عامر فاروق، جسٹس محسن اختر کیانی پر سماعت کریں گے۔
ذرائع کے مطابق نیب نے ایون فیلڈ ریفرنس میں مریم نواز اور کیپٹن (ر) صفدر ضمانت منسوخی کیلئےاستدعا کی، ہائی کورٹ نے مریم کی ضمانت منسوخی کی درخواست بھی مرکزی اپیل کے ساتھ سننے کا فیصلہ کیا ہے۔ مریم نوازکی دائرکردہ کرمنل اپیل نمبر122 دو ہزار اٹھارہ سماعت کیلئے مقرر کی گئی ہے، نیب کا کہنا ہے کہ احتساب عدالت نے مریم نواز کو7سال کی سزا سنائی تھی۔ اس کے علاوہ کیپٹن (ر) صفدر کی دائرکردہ کرمنل اپیل نمبر123 سال دو ہزار اٹھارہ سماعت کیلئے مقرر کی گئی ہے، احتساب عدالت نے کیپٹن(ر) صفدر کو ایک سال سزا سنائی تھی۔
48
