نمیبیا ( سپورٹس نیوز )انٹرنیشنل کرکٹ کونسل (آئی سی سی) مینز ٹی ٹوئنٹی ورلڈکپ 2021 کھیلنے والی نمیبیا کی ٹیم کے کپتان گیرہارڈ ایرسمس نے پاکستان سپر لیگ (پی ایس ایل) کھیلنے کی خواہش کا اظہار کردیا۔ واضح رہے کہ گیرہارڈ ایرسمس کی قیادت میں نمیبیا نے آئی سی سی مینز ٹی ٹوئنٹی ورلڈکپ میں
شاندار پرفارمنس دکھا کر دوسرے مرحلے کے لیے کوالیفائی کیا تھا جہاں اس نے سکاٹ لینڈ کو شکست سے دوچار کیا تھا۔ ٹوئٹر پر آئی سی سی کی جانب سے کامران اکمل کا بیان شیئر کیا گیا، جس میں انہوں نے پی ایس ایل 7 میں سلور کیٹیگری میں منتخب ہونے پر تحفظات کا اظہار کیا تھا۔اس پر نمیبیا کے کپتان گیرہارڈ ایرسمس نے جواب میں تحریر کیا کہ انہیں منتخب کرلیا جائے۔ ساتھ میں ایرسمس نے یہ بھی لکھا کہ میں بلامعاوضہ پاکستان سپر لیگ کھیلنے کو تیار ہوں۔
