یوٹیوب ایپ میں بنیادی تبدیلیاں، کمنٹس اور شیئرنگ آسان بنادی گئی

سان فرانسسكو: ( ویب ڈیسک ) یوٹیوب نے اپنی ایپ کے فل اسکرین موڈ کو نئی تبدیلیوں سے گزارا ہے جس میں اب کمنٹس کرنے اور شیئر کو آسان بنایا گیا ہے۔
اس سے قبل مور ویڈیوز کے گوشے کو سوائپ کرکے نیچے پہنچا جاتا تھا۔ دوسری جانب تجویز کردہ ویڈیو کو ایک ایسے باکس میں پیش کیا گیا جو کھل سکتا ہے اور سکڑ کر بند ہوجاتا ہے۔

ایک ماہ قبل یوٹیوب کی سی ای او سوسان ووچیکسی نے اس کا اشارہ دیا تھا اور انہوں نے ایک فیصلہ سنایا تھا کہ اب ڈس لائک کے نمبر اسکرین پر ظاہر نہیں ہوں گے تاہم انہیں تخلیق کار ہی دیکھ سکے گا۔ تاہم یوٹیوب ایپ کی یہ اہم تبدیلی پوری دنیا کے صارفین نہیں دیکھ سکتے بلکہ امریکا اور کینیڈا کے چند افراد نے ہی اسے دیکھا اور آزمایا ہے۔ دوسری جانب جی ایس ایم ارینا نے ایپل اور اینڈروئڈ ، دونوں کی یوٹیوب ایپ کے نئے یوزرانٹرفیس کی مزید تفصیل بتائی ہیں۔ تفصیلات کے مطابق یہ 17.03.35 ورژن ہے اور اس کے فل اسکرین موڈ میں کمنٹس کرنا بہت آسان ہوجاتا ہے۔ توقع ہے کہ بہت جلد پوری دنیا کے افراد جلد ہی یوٹیوب ایپ پر اہم تبدیلیاں دیکھ سکیں گے۔